САНХҮҮГИЙН ЗОХИЦУУЛАХ
ХОРООНЫ ТОГТООЛ
2010 оны 6 дугаар
сарын 30-ны өдөр Дугаар 206 Улаанбаатар хот
“Чацаргана” ХК-ийн оноосон нэрийг
үнэт цаасны бүртгэлд өөрчлөн бүртгэх тухай
Санхүүгийн зохицуулах хорооны эрх зүйн байдлын тухай хуулийн 23.1, Үнэт цаасны зах зээлийн тухай хуулийн 6.1.2, Улсын бүртгэлийн ерөнхий газрын бүртгэлийг тус тус үндэслэн Санхүүгийн зохицуулах хорооноос ТОГТООХ нь:
1. “Чацаргана” ХК-ийн оноосон нэрийг “Увс чацаргана” ХК болгон өөрчлөн үнэт цаасны бүртгэлд бүртгэхийг Үнэт цаасны газар /Э.Ганбат/, Хөрөнгийн биржийн жагсаалтад өөрчлөлт оруулахыг “Монголын хөрөнгийн бирж” ХК /Р.Содхүү/, үнэт цаасны төвлөрсөн хадгаламжийн бүртгэлд өөрчлөлт оруулахыг “ҮЦТТТХТ” ХХК /Т.Гандулам/-д тус тус үүрэг болгосугай.
2. Үнэт цаасны зах зээлийн тухай хуулийн 10 дугаар зүйл, Санхүүгийн зохицуулах хорооны 2007 оны 206 дугаар тогтоолоор батлагдсан “Үнэт цаасны зах зээлийн мэдээллийн нэгдсэн сангийн тухай журам”-д заасан мэдээллийг цаг тухайд нь тогтмол ирүүлж, хууль тогтоомжоор хүлээсэн үүргээ чанд биелүүлэн ажиллахыг “Увс чацаргана” ХК /Б.Болдбаатар/-д үүрэг болгосугай.
3. Тогтоолын биелэлтэд хяналт тавьж ажиллахыг Үнэт цаасны газар /Э.Ганбат/, олон нийтэд мэдээлэхийг Тамгын газар /Н.Удаанжаргал/-т тус тус даалгасугай.
ДАРГА Д. БАЯРСАЙХАН